16 працоўных калектываў (каля сотні ўдзельнікаў) прапанавалі гледачам свае нумары мастацкай самадзейнасці. Напрыклад, РУП «Клімавіцкі ЛГЗ» падрыхтавала аж 8 нумароў — з песнямі, танцамі, цікавымі інсцэніроўкамі. Захапляльнымі былі выступленні прадстаўнікоў аддзела адукацыі, спорту і турызму райвыканкама. Арыгінальна і прафесійна выканаў некалькі нумароў супрацоўнік раённага аддзела па надзвычайным сітуацыям Раман Пяськоўскі. Наогул, у кожным выступленні адчуваліся шчырасць і павага да журы.
Спадабалася, што кожны выканаўца меў моцную групу падтрымкі, якая актыўна дапамагала самадзейным артыстам перамагчы хваляванне.
І вось ён, момант славы! Пераможцам у намінацыі «Вакальнае мастацтва» стаў ансамбль філіяла «Магілёўэнерга» КЭС, другое месца — у аддзела адукацыі, спорту і турызму райвыканкама, трэцяе — у РУП «Клімавіцкі ЛГЗ».
Клімавіцкі дзяржаўны аграрны каледж быў лепшым у намінацыі «Харэаграфічнае мастацтва», на другім месцы — райспажыўтаварыства.
У намінацыі «Мастацкае чытанне» Дыплом 1 ступені ўручаны Раману Пяськоўскаму (РАНС), Дыплом 2 ступені —дырэктару СШ № 3 г. Клімавічы Уладзіміру Шупранаву, Дыплом 3 ступені — намесніку галоўнага рэдактара ўстановы «Рэдакцыя раённай газеты «Родная ніва» і праграмы радыёвяшчання «Голас Клімаўшчыны» Ігару Кавалёву.
Раённы аддзел па надзвычайным сітуацыям перамог у намінацыі «Вакальна-інструментальнае мастацтва». Другое месца — у лясгаса.
Былі і яшчэ ўзнагароды. Так, самым неардынарным выканаўцам прызнаны працаўнік РУП «Клімавіцкі ЛГЗ» Сяргей Шалыгін, а самымі яркімі — музычныя ансамблі аддзела адукацыі, спорту і турызму райвыканкама, КЭС.
На жаль, не ўсе арганізацыі раёна прынялі ўдзел у сапраўды цікавым і карысным конкурсе. Але гэта не азначае, што талентаў у іх няма. Можа, часу не хапіла? Есць магчымасць дэбютаваць у наступным годзе.
Ігар Пахомаў