На гэты раз над сцэнарыем святкавання папрацавалі работнікі гарадскога Дома культуры — дырэктар установы Аксана Гурбовіч і мастацкі кіраўнік Марына Галкоўская. Удзельнікамі тэатралізаванага прадстаўлення (ролі галоўных персанажаў — Купалінкі і Купаліша — выконвалі Марына Страчук і Дзмітрый Агееў), канцэртнай праграмы былі аматары мастацкай самадзейнасці ГДК і Ціманаўскага СДК.

Калі ж разгарэўся купальскі касцёр, многім з прыйшоўшых на свята захацелася ў карагод, бліжэй да вогнішча. Бо хто з нас не ведае, што магічны агонь не толькі асвятляе і сагравае, але і адганяе хваробы, няшчасці, ачышчае душы.

А тым часам шэраг хлопцаў і дзяўчат імкнуліся знайсці чароўную папараць-кветку. Пашчасціла аднаму з шукальнікаў. Яму і прыз ад арганізатараў свята дастаўся.

Завяршылася святкаванне Купалля на ўлонні прыроды дыскатэкай.

Не засталіся ў баку ад традыцыйнага культурнага мерапрыемства райспажыўтаварыства і хлебазавод, а таксама асобныя індывідуальныя прадпрымальнікі.

Валянціна КВАРЦЮК